بـسـم الله الرحمـن الرحيـم
السلام عليكم ورحمة الله وبركاته 
صباح مصبح مصباح صحاب .. صباح الخير على الجميع
مساء ميسي 
ماسي ماسو .. مساء النور على الكل
يقولك اللي هو أنا يعني .. في يوم من الأيام وفي وقت من الأوقات وفي ساعة من الساعات ولحظة من اللحظات , أكلت فول 
لا والله .. رحت لم ( أرامكو السعودية ) 
اللي هو متى .. اليوم = قبل شوي .. سويعات قليلة فقط !
اتفقنا من زمآآآن يوم الخميس الموافق 7/2/ 2007 من شهر شباط آب إبريل ذو الحجة أغسطس رمضان
المهم .. اتفقنا نروح أرامكو
بس تصدق ما رحناإلا الساعه 6 
من ظهر يوم السبت اللي قبل يوم الأربعاء الساعة عشر طعش 
ورحت وأنا لابس بدلة تتوقعون وش لابس ؟؟ >> ما يحتاج نقولكم عشان ما ندخل في أمور سياسية
ورحنا واجتمعنا في البوابة اللي في الدوحة .. وركبنا في سيارتين لانبورغيني و ددسن 86
أنا ركبت في الكابرس << شفتوا كيف أنا متواضع 
وفيه أربع بوابات على ما أعتقد ثنتين الأولى تابعه لـ أرامكو . والثانيةلـ أرامكو السعودية
دخلنا بسلام بدون مشاجرات وهواش وهياط .. لأن كل مرة نصفق اللي واقف يحرك يده ويقول امش << إحساسي يقول العكس
( أوف كورس ) أرامكو ات از بريشن وات دو يو دو بريكفاست كاو ميلك وآآآآي ووشنج ماشين مورنينج ماي نيم از سلييب ( مخدة ) << أتحداكم تفهونها ؟!
وتجمعنا بسيارة واحد ..!
وجينا عند اللي مش ولا بد !! عند نكون أو لا نصير فيها حياة أو عيش 
<< تلعبون بلياردو ؟؟ 
تراني محترف بلياردو من الطراز الفخيش
المهم كان فيه أربعة من ( بني آدم ) رجال وقت الرخاء 
.. حنا طبعاً كنا ستة ( 6 ) أشخاص >> ما ني قايل بالإنجليزي عشان محد يفهم غلط !!
أربعة معهم بطاقة دخول واثنين لا .. أنا من اللي ( ما ) عندهم
وقفنا السيارة وقالنا كل واحد يطلع بطاقته .. وأنا بتلقائية قلت ( حسبي الله عليك ) ولفيت راسي للجهة الثانية .. وقالي أنت قلت هاه ؟؟ قال جب بطاقتك قلت ما عندي قال ديوور ارجع
واستلم السب أنواع وأشكال شكله ألحين بالعناية المركزة .. الله يعينه ؟؟ لأنها كانت من إخوياي من قلب
وتفاءلنا بالثاني .. رحنا لمه وقال بالحرف زي اللي قال ذاك الأول 
وخذ من ذاك السب ضعف الأول
ورحنا لم الثالث ( يشبه بدر صفوق ) أول ما شفته .. غسلت يدي من التفاؤل وأشكاله طلع أشد وأكره من الإثنين قالنا اللي ما عنده بطاقة يرجع بسررعة أو يسجل ( زوار ) 
رحنا لم مركز الزوار .. لقينا فلبيين بنغاليين هنوود .. ( سعوديين )
قالنا عندكم واحد دآآخل .. قلنا لا طبعاً !! ,, قال وشوله جيتو أجل ؟؟ قلت ذاك قلنا تعالوا هنا قال لازم واحد داخل .. قلتله من أجيبلك واحد داخل
قال .. ما تقدر تدخل إلا وواحد دآآخل .. قلت يآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآليل مطولك 
عز الله ما دخلنا ..!!
وتحطمنا تحطيييم ألييييييم << زي هذا ! .. قلنا نجرب نروح لم الرابع , قلنا أكيد ما راح يدخلنا
قلت يللا نروح وش ورانا ؟؟ قالوا شورك وهداية الله
رحنا عنده .. الله يوفقه ويسعده ويجزاه خير ويجعل الجنة مثواه
قالنا كم واحد أنتم ؟ قلنا ستة اثنين ما عندهم بطايق .. قال توكلوا على الله .. وطرنا من الفرحة بعد نص الساعة من اللف والدوران
بمناسبة إننا دخلنا لـ أرامكو
فاصل رآآحة .. لسا ما جتكم العلوم الزينة
اشرب ليمون أسود وكل بسكوت بالموز وروق !
يللا نكمل عطيناكم رآآآحة طويلة << يتمنن عليكم
ــــــــ
دخلنا قلنا يللا نروح للملعب نلعب ساعة ونتمشى .. ونشوف وين نروح ,, لا حلال إن شاء الله
نزلنا من السيارة ووصلنا للملعب .. ونزلنا عشان نلعب كوورة << قل قـسـم ..؟!
وكما ذكرت لكم من قبل .. إنني من فلاسفة كرة القدم ومن أسطورتها لكن لم يأخذ حقه من الإعلام !؟ << أقول لآآآ يكثر أنت ووجهك
ولعبنا على مرمى وآآحد .. ويجون ثلاثة من الشباب اللي دخلوا لـ أرامكو
اثنين كبير وواحد وسط .. قالوا نلعرب معكم .. قلنا اقلطوا لتتلقوا التصقيعة الأميلة
ولعبنا على مرمى وآآآحد ..!
وحنا سته صح ؟؟ واحد حارس صرنا خمسه وواحد طلع صرنا أربعه ..!
يعني متكافئة 100% .. وبدأ اللعب والحمد لله ولـ أول مرة مباراة بدون أخطاء 
وما زال الفريق الثاني مسيطر على مجريات المباراة .. ووصلت معنا !! ونشتغل اللعب وما نعد الأهداف
وتجيك ذيك الهجمه الخرافيه واحد من للي معي ناول لي تنويله عشانه كان في نكبه وتوريطة
وبكل رشاقه أستلمها وأنهبل ألا قدامي وآآحد طويل وأعدي منه برشاقه وفن و ( أفشخه ) ذاك الكبري اللي ما ينسي << كثرلي منها تكفى !!
وأشوتها كـ ( رمية آكيلا ) وتجي في الزاوية اللي تحت معلنه هدف عالمي لـ مهند
وتستمر الهجمات والأهداف ... ووقفنا راحة شوي , جونا قالوا فيه اثنين بيلعبون قلنا طيب .. وتشاورنا حنا كتيبة ( حيتان أرامكو ) وقلنا خل نسحب عليهم
لأن شكلنا بنآآآكلها أكله جآآآمده رحنا بنشرب مويا وحط رجلك على السيارة وادعس على السينما ..!
لقينا أفلام كثيرة واللي يعرض ألحين ( مغامرات على أكشن ) بنت وشايب قلنا ادخله يآآآرجال وش وراك ؟؟
دخلناه .. وشف الناس أشكآآآل وألوان يعجبون بعض الناس >> ما يقصد ........ 
بس هم عارفين أنفسهم زييين
لقينا أربعة يفتحون النفس << أقول استح على وجهك
جيت عند ( زي البقاله ) وهو يتكلم إنجليزي .. وأنا الله لا يوريك بالإنجلش
قلتله واحد فشار وسط وذاك الأحمر !! وهو وات ؟؟ قلتله فشار وسط وذاك الأحمر !! قال نو ؟؟ جا خويي ( وقال ون بوبكورن ميديام أند ون سكيتيلز ) الله جآآبه
ودخلنا السينما .. والفيلم كآآآآن إنجليزي وما فيه ترجمة !!!!
ولا فهمت شي ؟؟!
المهم أنتم ما عليكم من الفيلم .. فيلم موب زين .. يجيب النووووم , بس ما لك إلا الأفلام الهنديه
فيه نوعين الأفلام الهندية .. نوع طاخ وطيخ وتسذب وتخريف ,, ونوع .. احم احم ! بس يضبطونها
وطلعنا ورجعنا لعبنا كوورة بس هالمرة واحد بالوسط وعلى لمسة وحدة ..!
وجت الساعة 11 وأرجع للبيت طلعت من نفس البوابه اللي دخلنا منها .. ولقيت أخوي ركبت معه وكان فيه النووووم وأنا بعد فيني نوووم
و والله نضيع الطريق .. مع إنه طريق تقريباً يومياً نروحله بس مدري ليه ضيعنا ؟؟
والطريق ما ياخذ إلا 10 دقايق .. وقعدنا 45 دقيقة وبالمووت لقينا البيت !
ورجعت .. وأخذلتي ( شور )وجيت أكتب الموضوع ..
وش رايكم بالموضوع ؟؟
ــــــــــ
مدري وش الفايده من الموضوع ؟! بس طفشانين قلنا نكتب موضوع
على الرصيف الأول ..
عندي لكم وصفه عشان تخلي الشعر يلمع .. من وآآحد مجرب
لا تغسل شعرك لمدة ثلاث أيام .. وأربع أيام أحسن ترا
وحط عليه تراب ( خفييييييف ) مع هوا = جو غبار
وارجع للبيت وأنت تستمتع بشعر ناعم كالحرير
((.. بلا شامبو بلا هم الغبار هو الأهم ..)) على الرصيف الثاني ..
الموضوع من كتابه أخوي
مـهـنـــد .. وطلـعـت أرامـكــو الخميس :)
العرض العادي
